Startseite    Genres    Neue Texte    Alle Autoren    Alle Werke    Lesetips    Shop    Information    Impressum

Autoren A-Z: A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z | Alle

Quellenangabe

type	anthology
booktitle	Läuschen un Rimels / Polterabend-Gedichte
author	Fritz Reuter
year	1990
publisher	Hinstorff Verlag
address	Rostock
isbn	3-356-00314-3
title	Läuschen un Rimels, Neue Folge
pages	203
created	19990604
sender	gerd.bouillon@t-online.de
firstpub	1858

54. Ümstän'n verännern de Sak

Vör ungefihr so'n twintig Sommern,
Dunn brus'ten Stormwind dörch dat Land
Un ret in Mecklenborg un Pommern,
Wat fast nich stunn, ut Rand un Band.
De Eiken knickten un de Bäuken;
Doch was't, as ded Musch Püsterich
Vör allen sick dat wacklig Tüg
Von olle Schüns un Schapställ säuken.
De smet hei richtig üm, un wenn s'
Schön stüt't ok wir'n. Ok in Stridens'
Smet hei den ollen Schapstall dal,
Un all de arme Schap taumal,
De müßten d'rin begraben warden –
För Heidemann en groten Schaden!
Blot de oll Scheper hadd sick reddt.
Na, as dat Wedder sick hadd set't,
Seggt Heidemann tau sinen Scheper:
»Heww ick di dat nich ümmer seggt,
Wenn sick dat tau en Stormwind leggt,
Süllst du de Schap mi rute driwen,
Dat oll Gebüd', dat fel uns üm?«
»Je, Herr, ick dacht, dat würd nich slimm;
Ick dacht, 't oll Ding würd stahn woll bliwen.«
»Du büst doch sülwen rute lopen?«
»Je, Herr, ick dacht, dat schöt tauhopen.«